Bawal man ang ibigin ka...

kinikimkim ang damdaming kay tagal ng nakapinid
sa pagsintang mapagbiro puso nawa'y di masamid
sa tuwina ang dalangin ko sana'y huwag matalapid
tadhana ay mapag imbot tag init man o tag lamig.....

ngunit puso'y binuksan mo kahit ito'y selyado na
maagimat ang 'yong ngiti ang ganda mo'y may mahika
ang mukha mo na kay amo at pungay ng iyong mata
ako'y iyong nabighani at puso ko ay nakuha....

bawal man ang ibigin ka wala akong magagawa
sadyang ganito ang pusong nasasabik sa paglingap
pilitin man ang magtiis lagi na lang naghahanap
hindi mapigil ang pintig pilit pa ring pumipitlag....

labis ang aking ligaya sa tuwing tayo'y magka usap
hindi ako nagsasawa abutin man ng magdamag
halakhak mo'y tumatagos sa laman ko't mga ugat
oh giliw ko ang dalangin sana ito'y di magwakas....

ngunit kulang ang ligaya dahil hindi ka kapiling
pagsapit ng hatinggabi unan pa rin ang kasiping
hanggang kailan magtitiis nasasabik na damdamin?
ikaw ba ay panaginip, bakit di ka maging akin?...

"huwag mo akong paluhain o mundo kong mapagkait
pagkat muli mong tinuruan ang puso ko na umibig
kapag ajko'y iniwan nya sa dibdib ko'y anong sakit
diyos ko iyong patatagin huwag mong bigyan ng panangis..."

ang puso ko'y ingatan mo mahal ko yan ang dalangin
pag ibig ko'y di susuko wala ka man sa 'king piling
kung dumating ang sandaling ika'y pilit niyang kukunin
aking mahal tandaan mo, pag ibig ko'y hanggang libing...


Ron:)

Abqaiq, KSA